
Zameen Kafi Thi Aur Assman Kam Kam Bahut Hi
Zameen Kafi Thi Aur Assman Kam Kam Bahut Hi Kam
Meri wasaton ke dono jahaan kam kam bahut hi kam
Mere to roz o shab hote rahe hain kharch auron per
Mere kaam aaye mere jism o jaan kam kam bahut hi kam
Zameen Kafi Thi Aur Assman Kam Kam Bahut Hi Kam
Meri wasaton ke dono jahaan kam kam bahut hi kam
Mere to roz o shab hote rahe hain kharch auron per
Mere kaam aaye mere jism o jaan kam kam bahut hi kam
Bari Hona Hai Ab Mushkil Hamara
Gawahi de raha hai dil hamara
Na ruk paya hamari khudkashi tak
Bahut aujlat mein tha qaital hamara
Jo Apne Ap Mein Rahe Kar Guzare
Wohi din hum ne kuch behter guzare
Kai din toh fakt zinda rahe hum
Kai din sirf sanson peh guzare
Maan Kar Koi Dosra Khud Ko
Deta rehta hon mashwara khud ko
Jab bi hathon mein tera hath aya
Main ne mehsoos kar liya khud ko
Dekhna Chahon Jo Khud Ko Kam Se Kam Itna To Ho
Aaine mein gar nahi mein to koi mujh jaisa to ho
Badlon mein har kisi ke wastay hai koi boand
Shart yeh hai utni shedat se koi piyas to ho
Kisi Din Zindagi Ko Paara Paara Kar Ke Dekha Jaye
Khud apne aap ko paida doubara kar ke dekha jaye
Mila kar chand bondain aansuon ki es moujo mein
Samandar ko zara sa aur khara kar ke drekha jaye
Zindagi To Ne Lahu Le Ke Diya Kuch Bhi Nahi
Tere daman mein mere wastay kia kuch bhi nahi
Mere in hathon ki chahon to talashi le lo
Mere hathon mein leekron ke siwa kuch bhi nahi
Rang Mousam Ka Hara Tha Pehle
Paid yeh kitna ghana tha pehle
Mein ne to bad mein tooda tha usay
Aaina mujh peh hansa tha pehle
Jane Kitni Uran Baqi Hai
Es prinday mein jaan baqi hai
Jitni batni thi bat chuki yeh zameen
Ab to bas assman baqi hai
Khazana Konsa Us Paar Ho Ga
Wahaan bhi rait ka anbaar ho ga
Yeh saray shehar mein dehshat si kyun hai
Yaqeenan kal koi tehwar ho ga
Kisi Din Zindagani Mein Karishma Kyun Nahi Hota
Mein har din jaag to jata hoon zinda kyun nahi hota
Meri ek zindagi ke kitne hissay dar hain lekin
Kisi ki zindagi mein mera hissa kyun nahi hota
Youn Dekhiye To Aandhi Mein Bas Aik Shajar Gaya
Lekin na jane kitne prindon ka ghar gaya
Jaise galat patay peh chala aaye koi shakhs
Sukh aise mere dar peh roka aur guzar gaya
Hum Jee Rahe Hain Jaan Tumhare Bagair Bhi
Har din guzar raha hai guzare bagair bhi
Sab ke liye kinare peh hota nahi koi
Kuch log dobtay hain pukare bagair bhi
Ab Kia Batyen Tootay Hain Kitne Kahan Se Hum
Khud ko samat’te hain yahaan se wahaan se hum
Kia jane kis jahaan mein milaye ga hamein sakoon
Naraz hain zameen se khafa aasman se hum
Yahaan Har Shakhas Har Pal Hadsa Hone Se Darta Hai
Khelona hai jo mitti ka fana hone se darta hai
Mere dil ke kisi kone mein aik masoom sa bacha
Baron ki dekh ke duniya bara hone se darta hai
Yeh Kab Chaha Keh Mein Mashoor Ho Jaon
Bas apne aap ko manzoor ho jaon
Bahana koi to aye zindagi de
Keh jeene ke liye mujboor ho jaon