Mujhe Aisa Lutf Ata Kia Keh Jo Hijr Tha Na wisaal Tha
Mere mousamo ke mezaaj daan tujhe mera kitna khayal tha
Kisi aur chehre ko dekh kar teri shakal zehn mein aa gai
Tera naam le ke mila usay mere hafzay ka yeh haal tha
Kabhi mousamo ke saraab mein kabhi baam o dar ke azab mein
wahaan umar hum ne guzar di jahaan saans lena mohaal tha
Kabhi to ne ghoor nahi kia keh yeh log kaise ujar gaye
Koi meer jaisa garifta dil tere samne ki misaal tha
Tere bad koi nahi mila jo yeh haal dekh ke pochta
Mujhe kisi ki aag jala gai mere dil ko kisi ka malal tha
Kahin khoon e dil se lekha to tha, tere saal hijr ko sanha
Wo adhori dairy kho gai, wo na jane kon sa saal tha
Mujhe aisa lutf aata kia keh jo hijr tha na wisaal tha
Mere mousamo ke mezaaj daan tujhe mera kitna khayal tha
غزل
مجھے ایسا لطف عطا کیا کہ جو ہجرتھا نہ وصال تھا
میرے موسموں کے مزاج داں تجھے میرا کتنا خیال تھا
کسی اور چہرے کو دیکھ کر تیری شکل ذہن میں آگئی
تیرا نام لے کے ملا اُسے میرے حافظے کا یہ حال تھا
کبھی موسموں کے سراب میں کبھی بام و در کے عذاب میں
وہاں عمر ہم نے گزار دی جہاں سانس لینا محال تھا
کبھی تونے غور نہیں کیا کہ یہ لوگ کیسے اجڑ گئے
کوئی میر جیسا گرفتہ دل تیرے سامنے کی مثال تھا
تیرے بعد کوئی نہیں ملا جو یہ حال دیکھ کے پوچھتا
مجھے کسی کی آگ جلا گئی میرے دل کو کس کا ملال تھا
کہیں خونِ دل سے لکھا تو تھا، تیرے سال ہجر کا سانحہ
وہ ادھوری ڈائری کھو گئی، وہ نہ جانے کون سا سال تھا
