Ab Teri Yaad Se Wahshat Nahin Hoti Mujh Ko
غزل
اب تری یاد سے وحشت نہیں ہوتی مجھ کو
زخم کھلتے ہیں اذیت نہیں ہوتی مجھ کو
اب کوئی آئے چلا جائے میں خوش رہتا ہوں
اب کسی شخص کی عادت نہیں ہوتی مجھ کو
ایسا بدلا ہوں ترے شہر کا پانی پی کر
جھوٹ بولوں تو ندامت نہیں ہوتی مجھ کو
ہے امانت میں خیانت سو کسی کی خاطر
کوئی مرتا ہے تو حیرت نہیں ہوتی مجھ کو
تو جو بدلے تری تصویر بدل جاتی ہے
رنگ بھرنے میں سہولت نہیں ہوتی مجھ کو
اکثر اوقات میں تعبیر بتا دیتا ہوں
بعض اوقات اجازت نہیں ہوتی مجھ کو
اتنا مصروف ہوں جینے کی ہوس میں محسؔن
سانس لینے کی بھی فرصت نہیں ہوتی مجھ کو
Ghazal
Ab Teri Yaad Se Wahshat Nahin Hoti Mujh Ko
Zakhm khulte hain aziyyat nahin hoti mujh ko
Ab koi aae chala jae main khush rahta hun
Ab kisi shakhs ki aadat nahin hoti mujh ko
Aisa badla hun tere shahr ka pani pi kar
JhuT bolun to nadamat nahin hoti mujh ko
Hai amanat mein khayanat so kisi ki khatir
Koi marta hai to hairat nahin hoti mujh ko
Tu jo badle teri taswir badal jati hai
Rang bharne mein suhulat nahin hoti mujh ko
Aksar auqat main tabir bata deta hun
Baz auqat ijazat nahin hoti mujh ko
Itna masruf hun jine ki hawas mein ‘Mohsin’
Sans lene ki bhi fursat nahin hoti mujh ko
Load/Hide Comments