Tere Saath Guzre Dinon Ki Koi| Tehzeeb hafi Poetry

Tere Saath Guzre Dinon Ki Koi Aik Dhundli Si Tasveer
Jab bhi kabhi samne aaye gi

Tou hamein aik duaa thamne aaye gi
Burhape ki gehraiyon mein utarte howay

Teri be laos bahon ki ghere nahi bhol payenge hum
Hum ko tere tawassul se hanste hoye jo mile thay

Woh chehre nahi bhol payen gay hum
Tere pehlo mein laite howon ka ajab karb hai

Jo tujhe raat bhar apni weran aankhon se takte thay
Aur tere shadaab shanon par sar rakh ke 

Marne ki khwahish mein jeete rahe

Har tere lams ka un ko koi ishara muyassar nahi tha
Magar iss jahan ka koi ik hissa unhen tere bistar se behtar nahi tha

Par mohabbat ko iss sab se koi alaqa nahi
Aik dukh to bahar hal hum apne seenon mein le kar maren gay
Keh hum ne mohabbat ke daway kiye magar

 Tere mathe mein sindoor tanka nahi

Iss se kya farq parta hai
Hum door hain tujhe se ya paas hain
Hum koi aadmi tou nahi

Hum tou ehsas hain
Jo rahe tou hamesha rahen gay

Aur gaye tou kabhi morr ke wapas nahi aayen gay hafi
Tere saath guzre dinon ki koi aik dhundli si tasveer
Jab bhi kabhi samne aaye gi