Tum Bhul gay shayad
wo jo dudh shahd ki khir thi
wo jo narm misl-e-harir thi
wo jo aamle ka achaar tha
tumhein yaad ho ki na yaad ho
jo hiran ke sikh-kabab the
wo jawab apna jawab the
wo jo Quetta ka anar tha
wo jo hum mein tum mein qarar tha
tumhein yaad ho ki na yaad ho
wo jo seb zinat-e-bagh the
wo jo shakh shakh charagh the
wo jo aaluon ko bukhar tha
wo jo hum mein tum mein qarar tha
tumhein yaad ho ki na yaad ho
wo raqib ke jo baghair thi
wo jo chand raat ki sair thi
wo jo ahd-e-fasl-e-bahaar tha
wo jo hum mein tum mein qarar tha
mujhe sab hai yaad zara zara
tumhein yaad ho ki na yaad ho