صرف خنجر ہی نہیں آنکھوں میں پانی چاہئے
اے خدا دشمن بھی مجھ کو خاندانی چاہئے
شہر کی ساری الف لیلائیں بوڑھی ہو چکیں
شاہزادے کو کوئی تازہ کہانی چاہئے
میں نے اے سورج تجھے پوجا نہیں سمجھا تو ہے
میرے حصے میں بھی تھوڑی دھوپ آنی چاہئے
میری قیمت کون دے سکتا ہے اس بازار میں
تم زلیخا ہو تمہیں قیمت لگانی چاہئے
زندگی ہے اک سفر اور زندگی کی راہ میں
زندگی بھی آئے تو ٹھوکر لگانی چاہئے
میں نے اپنی خشک آنکھوں سے لہو چھلکا دیا
اک سمندر کہہ رہا تھا مجھ کو پانی چاہئے
sirf khanjar hi nahin aankhon mein pani chahiye
ai khuda dushman bhi mujh ko khandani chahiye
shahr ki sari alif-lailaen budhi ho chukin
shahzade ko koi taza kahani chahiye
main ne ai suraj tujhe puja nahin samjha to hai
mere hisse mein bhi thodi dhup aani chahiye
meri qimat kaun de sakta hai is bazar mein
tum zulekha ho tumhein qimat lagani chahiye
zindagi hai ek safar aur zindagi ki rah mein
zindagi bhi aae to thokar lagani chahiye
main ne apni khushk aankhon se lahu chhalka diya
ek samundar kah raha tha mujh ko pani chahiye
