Soraj Ke Taqabil Mein Ranga Rang Jalon Hoon
Talwon mein indhere ko liye mast chalon hoon

Youn kar ke rag e jaan ko juda khud se basad naaz
Apna hi lahoo apni hi soorat peh maloon hoon

Tajseem karon hoon jo mein tujh aanch peh apni
Toor apne badan ko tere sanchon mein dhalon hoon

Qaim hoon dar e yaar se do gaam siwa mein
Dehleez karon paar na kuch lay ke talon hoon

Juz mere bhala kon urawaye mere purzay
Mein aap mare jism ke tokron peh palon hoon

Aisa mein akela hoon tere shehar e sukhan ka
Har aankh mein khatakon hoon
Jo har dil ko khalon hoon

Soraj ke taqabil mein ranga rang jalon hoon
Talwon mein indhere ko liye mast chalon hoon

غزل
سورج کے تقابل میں رنگا رنگ جلوں ہوں
تلوؤں میں اندھیرے کو لیئے مست چلوں ہوں

یوں کر کے رگِ جاں کو جدا خود سے بصد ناز
اپنا ہی لہو اپنی ہی صورت پہ ملوں ہوں

تجسیم کروں ہوں جو میں تجھ آنچ پہ اپنی
توڑ اپنے بدن کو تیرے سانچوں میں ڈھلوں ہوں

قائم ہوں درِ یار سے دو گام سوا میں
دہلیز کروں پار نہ کچھ لے کے ٹلوں ہوں

میں خون نچوڑوں ہوں حقیقت میں جب اپنا
تب تیرے تصور میں بہت پھولوں پھلوں ہوں

جز میرے بھلا کون اڑاوے میرے پرزے
میں آپ مرے جسم کے ٹکروں پہ پلوں ہوں

ایسا میں اکیلا ہوں تیرے شہرِ سخن کا
ہر آنکھ میں کھٹکوں ہوں
جو ہر دل کو کھلوں ہوں

Share this with your friends