Thak jao gi

: Thak jao gi

pagal aankhon wali ladki

itne mahnge khwab na dekho

thak jaogi

kanch se nazuk khwab tumhaare

tut gae to

pachhtao gi

soch ka sara ujla kundan

zabt ki rakh mein ghul jaega

kachche-pakke rishton ki khushbu ka resham

khul jaega

tum kya jaano

khwab safar ki dhup ke teshe

khwab adhuri raat ka dozakh

khwab khayalon ka pachhtawa

khwabon ki manzil ruswai

khwabon ka hasil tanhai

tum kya jaano

mahnge khwab kharidna hon to

aankhen bechna padti hain ya

rishte bhulna padte hain

andeshon ki ret na phankon

pyas ki ot sarab na dekho

itne mahnge khwab na dekho

thak jaogi