Thak jao gi

تھک جاؤ گی: 
پاگل آنکھوں والی لڑکی
اتنے مہنگے خواب نہ دیکھو
تھک جاؤ گی
کانچ سے نازک خواب تمہارے
ٹوٹ گئے تو
پچھتاؤ گی
سوچ کا سارا اجلا کندن
ضبط کی راکھ میں گھل جائے گا
کچے پکے رشتوں کی خوشبو کا ریشم
کھل جائے گا
تم کیا جانو
خواب سفر کی دھوپ کے تیشے
خواب ادھوری رات کا دوزخ
خواب خیالوں کا پچھتاوا
خوابوں کی منزل رسوائی
خوابوں کا حاصل تنہائی
تم کیا جانو
مہنگے خواب خریدنا ہوں تو
آنکھیں بیچنا پڑتی ہیں یا
رشتے بھولنا پڑتے ہیں
اندیشوں کی ریت نہ پھانکو
پیاس کی اوٹ سراب نہ دیکھو
اتنے مہنگے خواب نہ دیکھو
تھک جاؤ گی
: Thak jao gi
pagal aankhon wali ladki
itne mahnge khwab na dekho
thak jaogi

kanch se nazuk khwab tumhaare
tut gae to
pachhtao gi

soch ka sara ujla kundan
zabt ki rakh mein ghul jaega
kachche-pakke rishton ki khushbu ka resham
khul jaega

tum kya jaano
khwab safar ki dhup ke teshe
khwab adhuri raat ka dozakh
khwab khayalon ka pachhtawa
khwabon ki manzil ruswai
khwabon ka hasil tanhai
tum kya jaano

mahnge khwab kharidna hon to
aankhen bechna padti hain ya
rishte bhulna padte hain
andeshon ki ret na phankon
pyas ki ot sarab na dekho
itne mahnge khwab na dekho
thak jaogi

اپنا تبصرہ بھیجیں