Khazana-E-Zar-O-Gohar Pe Khaak Dal Ke Rakh

Khazana-E-Zar-O-Gohar Pe Khaak Dal Ke Rakh
Hum ahl-e-mehr-o-mohabbat hain dil nikal ke rakh

Humein to apne samundar ki ret kafi hai
Tu apne chashma-e-be faiz ko sambhaal ke rakh

Zara se dair ka hai ye urooj-e-mal-o-manal
Abhi se zehn mein sab zawiye zawal ke rakh

Yeh bar bar kinare pe kis ko dekhta hai
Bhanwar ke bich koi hosla uchhaal ke rakh

Na jaane kab tujhe jangal mein raat parr jaye
Khud apni aag se shola koi ujaal ke rakh

Jawab aye na aye sawal utha tou sahi
Phir is sawal mein pehlu naye sawal ke rakh

Teri bala se giroh-e-junoon pe kya guzri
Tu apna daftar-e-sud-o-ziyan sambhaal ke rakh

Ch’halak raha hai jo kashkol-e-arzu us mein
Kisi faqeer ke qadmon ki khak daal ke rakh

Khazana-e-zar-o-gohar pe khak dal ke rakh
Hum ahl-e-mehr-o-mohabbat hain dil nikal ke rakh