Ku Ba Ku Phail Gai Baat Shanasai Ki

Ku Ba Ku Phail Gai Baat Shanasai Ki
Uss ne khushboo ki tarah meri pazeerai ki

Kaise kehh dun keh mujhe chhor diya uss ne
Baat to such hai magar hai rooswai ki

Woh kahin bhi gaya loota to mere pass aaya
Bas yahi baat hai achhi mere harjai ki

Tera pehlo tere dil ki tarah aabad rahe
Tujh peh guzray nah qayamat shab-e-tanhai ki

Uss ne jatli hoi paishani peh jab haath rakha
Rooh tak aa gayi taseer maseehai ki

Ab bhi barsaat ki raaton mein badan tootta hai
Jaag uthi hain ajab khwahishen angrai ki

Ku ba ku phail gai baat shanasai ki
Uss ne khushboo ki tarah meri pazeerai ki