Kabhi Tu Nay Khud Bhi Socha Ki Ye Pyas Hai

mawraa 0 تبصرے
شاعر:اعتبار ساؔجد
غزل
کبھی تو نے خود بھی سوچا کہ یہ پیاس ہے تو کیوں ہے
تجھے پا کے بھی مرا دل جو اداس ہے تو کیوں ہے

مجھے کیوں عزیز تر ہے یہ دھواں دھواں سا موسم
یہ ہوائے شام ہجراں مجھے راس ہے تو کیوں ہے

تجھے کھو کے سوچتا ہوں مرے دامن طلب میں
کوئی خواب ہے تو کیوں ہے کوئی آس ہے تو کیوں ہے

میں اجڑ کے بھی ہوں تیرا تو بچھڑ کے بھی ہے میرا
یہ یقین ہے تو کیوں ہے یہ قیاس ہے تو کیوں ہے

مرے تن برہنہ دشمن اسی غم میں گھل رہے ہیں
کہ مرے بدن پہ سالم یہ لباس ہے تو کیوں ہے

کبھی پوچھ اس کے دل سے کہ یہ خوش مزاج شاعر
بہت اپنی شاعری میں جو اداس ہے تو کیوں ہے

ترا کس نے دل بجھایا مرے اعتبارؔ ساجد
یہ چراغ ہجر اب تک ترے پاس ہے تو کیوں ہے
Ghazal
Kabhi Tu Nay Khud Bhi Socha Ki Ye Pyas Hai To Kyun Hai
Tujhe Pa Ke Bhi Mera Dil Jo Udas Hai To Kyun Hai

Mujhe Kyun Aziz-Tar Hai Ye Dhuan Dhuan Sa Mausam
Ye Hawa-E-Sham-E-Hijran Mujhe Ras Hai To Kyun Hai

Tujhe Kho Ke Sochta Hun Mere Daman-E-Talab Mein
Koi Khwab Hai To Kyun Hai Koi Aas Hai To Kyun Hai

Main Ujad Ke Khi Hun Tera Tu Bichhad Ke Bhi Hai Mera
Ye Yaqin Hai To Kyun Hai Ye Qayas Hai To Kyun Hai

Mere Tan Barahna-Dushman Isi Gham Mein Ghul Rahe Hain
Ki Mere Badan Pe Salim Ye Libas Hai To Kyun Hai

Kabhi Puchh Us Ke Dil Se Ki Ye Khush-Mizaj Shair
Bahut Apni Shairi Mein Jo Udas Hai To Kyun Hai

Tera Kis Ne Dil Bujhaya Mere ‘Eatibar-Sajid’
Ye Charagh-E-Hijr Ab Tak Tere Pas Hai To Kyun Hai
Load/Hide Comments

اپنا تبصرہ بھیجیں