Aaj Lab-E-Guhar-Fishan Aapne Wa Nahin Kiya
آج لب گہر فشاں آپ نے وا نہیں کیا
تذکرۂ خجستۂ آب و ہوا نہیں کیا
کیسے کہیں کہ تجھ کو بھی ہم سے ہے واسطہ کوئی
تو نے تو ہم سے آج تک کوئی گلہ نہیں کیا
جانے تری نہیں کے ساتھ کتنے ہی جبر تھے کہ تھے
میں نے ترے لحاظ میں تیرا کہا نہیں کیا
مجھ کو یہ ہوش ہی نہ تھا تو مرے بازوؤں میں ہے
یعنی تجھے ابھی تلک میں نے رہا نہیں کیا
تو بھی کسی کے باب میں عہد شکن ہو غالباً
میں نے بھی ایک شخص کا قرض ادا نہیں کیا
ہاں وہ نگاہ ناز بھی اب نہیں ماجرا طلب
ہم نے بھی اب کی فصل میں شور بپا نہیں کیا
Aj Lab-E-Guhar Fishan Aapne Wa Nahin kiya
Tzkrah khjasta aab o hawa nahi kiya
Kaise kahen keh tujh ko bhi hum se hai wasta koi
Tu ne to humse aj tak koi gilah nahi kiya
Jane teri nahi ky sath kitne he jabr thy ky thy
Mene tere lehaz mein tera kaha nahi kiya
Mujh ko yeh hosh he na tha ky tu mere bazuon mein hai
Yahni tujhy abhi tak mene reha nahi kiya
Tu bhi kisi ky bab mein ehd e shikan ho ghalban
Mene bhi ik shakhs ka qarz ada nahi kiya
Aan who nigah naaz bhi ab nahi majra talab
Hum ne bhi ab ki fasl mein shor bpa nahi kiya
Load/Hide Comments