Shakh-E-Zaitoon Par Kam Sukhan Fakhtaon Ke Itne

Shakh-E-Zaitoon Par Kam Sukhan Fakhtaon Ke Itne
Basere ujarre gaye
Aur hawa chup rahi

Be karan aasmanon ki pihnaiyaan
Be nasheman shikasta
Paron ki tak-o-taz par bain karti rahin
Aur hawa chup rahi

Zard parcham urata howa Lashkar
Be amaan gul zaminon ko pamal karta raha
Aur hawa chup rahi

Aarzumand aankhen basharat talab dil
Duwaon ko uthaye howay hath sab be samar reh gaye
Aur hawa chup rahi

Aur tab jis ke qahirman mausamoon ke azab
In zaminoon pe bheje gaye
Aur mandi kara di gayi

Jab kabhi rang ki khushbowon ki uranon ki
Aawaz ki aur khawabon ki toheen ki jayegi
Yeh azab in zaminon pe aate rahengaye

Shakh-E-Zaitoon Par Kam Sukhan Fakhtaon Ke Itne
basere ujarre gaye