شاعر: تہزیب حافی
کسے خبر ہے کہ عمر بس اس پہ غور کرنے میں کٹ رہی ہے
کہ یہ اداسی ہمارے جسموں سے کس خوشی میں لپٹ رہی ہے
عجیب دکھ ہے ہم اس کے ہو کر بھی اس کو چھونے سے ڈر رہے ہیں
عجیب دکھ ہے ہمارے حصے کی آگ اوروں میں بٹ رہی ہے
میں اس کو ہر روز بس یہی ایک جھوٹ سننے کو فون کرتا
سنو یہاں کوئی مسئلہ ہے تمہاری آواز کٹ رہی ہے
مجھ ایسے پیڑوں کے سوکھنے اور سبز ہونے سے کیا کسی کو
یہ بیل شاید کسی مصیبت میں ہے جو مجھ سے لپٹ رہی ہے
یہ وقت آنے پہ اپنی اولاد اپنے اجداد بیچ دے گی
جو فوج دشمن کو اپنا سالار گروی رکھ کر پلٹ رہی ہے
سو اس تعلق میں جو غلط فہمیاں تھیں اب دور ہو رہی ہیں
رکی ہوئی گاڑیوں کے چلنے کا وقت ہے دھند چھٹ رہی ہے
Kise Khabar Hai Ki Umr Bas Us Pe Ghaur Karne Mein Kat Rahi Hai
ki ye udasi hamare jismon se kis khushi mein lipat rahi hai
 
ajib dukh hai hum us ke ho kar bhi us ko chhune se dar rahe hain
ajib dukh hai hamare hisse ki aag auron mein bat rahi hai
 
main us ko har roz bas yahi ek jhut sunne ko phone karta
suno yahan koi masala hai tumhaari aawaz kat rahi hai
 
mujh aise pedon ke sukhne aur sabz hone se kya kisi ko
ye bel shayad kisi musibat mein hai jo mujh se lipat rahi hai
 
ye waqt aane pe apni aulad apne ajdad bech degi
jo fauj dushman ko apna salar girwi rakh kar palat rahi hai
 
so is talluq mein jo ghalat-fahmiyan thin ab dur ho rahi hain
ruki hui gadiyon ke chalne ka waqt hai dhundh chhat rahi hai
Share this with your friends