غزل

یہ سال بھی اداس رہا روٹھ کر گیا
تجھے سے ملے بغیر دسمبر گزر گیا

عمر رواں خزاں کی ہوا سے بھی تیز تھی
ہر لمحہ برگ زرد کی صورت بکھر گیا

کب سے گھرا ھوا ھوں بگولوں کے درمیاں
صحرا بھی میرے گھر کے در و بام پر گیا

دل میں چٹختے،چیختے وہموں کے بوجھ سے
وہ خوف تھا کہ رات میں سوتے میں ڈر گیا

جو بات معتبر تھی وہ سر سے گزر گئی
جو حرف سرسری تھا وہ دل میں اتر گیا

ہم عکس خون دل ھی لٹاتے رھے مگر
وہ شخص آنسوؤں کی دھنک میں نکھر گیا

کیا دشمنی تھی چاند کو گھر کے چراغ سے
گھر بجھ گیا تو چاند ندی میں اتر گیا

“محسن”یہ رنگ روپ یہ رونق بجا مگر
میں زندہ کیا رہوں کہ میرا جی تو بھر گیا