Apni Hanstay Hoye Tasveer Banani Hai Mujhe
Aik dushman hai jisay aag lagani hai mujhe

Muddaton khaak urata raha logon ki tou ab
Muddaton ishq teri khaak urani hai mujhe

Dost phoolon ka baharon ka koi zikar nah chair
Itni wehshat hai keh ta umar nibhani hai mujhe

Chand lamhon ke liye baat agar karli hai
Yeh nah samjho keh koi baat bharani hai mujhe

Mujhko yeh khail mohabbat ka bohat azbar hai
Tum jisay aag samjhte ho woh pani hai mujhe

Phir kisi waqt koi baat Karen duniya ki
Inn dinon sakht tabiyat ki girani hai mujhe

Apni hanstay hoye tasveer banani hai mujhe
Aik dushman hai jisay aag lagani hai mujhe
غزل
اپنی ہنستے ہوئے تصویر بنانی ہے مجھے
ایک دشمن ہے جسے آگ لگانی ہے مجھے

مدتوں خاک اڑاتا رہا لوگوں کی تو اب
مدتوں ، عشق ، تری خاک اڑانی ہے مجھے

دوست پھولوں کا بہاروں کا کوئی ذکر نہ چھیڑ
اتنی وحشت ہے کہ تا عمر نبھانی ہے مجھے

چند لمحوں کے لئے بات اگر کرلی ہے
یہ نہ سمجھو کہ کوئی بات بڑھانی ہے مجھے

مجھ کو یہ کھیل محبت کا بہت ازبر ہے
تم جسے آگ سمجھتے ہو وہ پانی ہے مجھے

پھر کسی وقت کوئی بات کریں دنیا کی
اِن دنوں سخت طبیعت کی گرانی ہے مجھے

اپنی ہنستے ہوئے تصویر بنانی ہے مجھے
ایک دشمن ہے جسے آگ لگانی ہے مجھے