شاعر:اعتبار سؔاجد
غزل
یہ برسوں کا تعلق توڑ دینا چاہتے ہیں ہم
اب اپنے آپ کو بھی چھوڑ دینا چاہتے ہیں ہم
 
کسی دہلیز پر آنکھوں کے یہ روشن دیئے رکھ کر
ضمیر صبح کو جھنجھوڑ دینا چاہتے ہیں ہم
 
جدھر ہم جا رہے ہیں اس طرف ٹوٹا ہوا پل ہے
یہ باگیں اس سے پہلے موڑ دینا چاہتے ہیں ہم
 
یہ نوبت کل جو آنی ہے تو شرمندہ نہیں ہوں گے
مراسم احتیاطا توڑ دینا چاہتے ہیں ہم
 
عجب دیوانگی ہے جس کے ہم سائے میں بیٹھے ہیں
اسی دیوار سے سر پھوڑ دینا چاہتے ہیں ہم
 
تعلق کرچیوں کی شکل میں بکھرا تو ہے پھر بھی
شکستہ آئینوں کو جوڑ دینا چاہتے ہیں ہم
Ghazal
Yeh Barson Ka Taluq Torr Dena Chahte Hain Hum
Ab apne aap ko bhi chorr dena chahte hain hum
 
Kisi dehleez pr ankhon ke yeh roshan diye rakh kar
Zameeer-e-subh ko jhinjhorr dena chahte hain hum
 
Jidhar hum ja rahe hain us taraf toot‘ta hua pull hai
Yeh baaagen is se pehle morr dena chahte hain hum
 
Yeh naubat kal jo aani hai to sharminda nahin hon ge
Maraasim ehtiyatan torr dena chahte hain hum
 
Ajab deewangi hai jis ke hum saaye main bethe hain
Usi deewar se sar phorr dena chahte hain hum,
 
Taluq kirchiyon ki shakal main bikhraa to hai phir bhi
Shikasta aayinon ko jorr dena chahte hain hum
Share this with your friends