شاعر:احمد فراز

غزل

تجھ سے بچھڑ کے ہم بھی مقدر کے ہو گئے
پھر جو بھی در ملا ہے اسی در کے ہو گئے

پھر یوں ہوا کہ غیر کو دل سے لگا لیا
اندر وہ نفرتیں تھیں کہ باہر کے ہو گئے

کیا لوگ تھے کہ جان سے بڑھ کر عزیز تھے
اب دل سے محو نام بھی اکثر کے ہو گئے

اے یاد یار تجھ سے کریں کیا شکایتیں
اے درد ہجر ہم بھی تو پتھر کے ہو گئے

سمجھا رہے تھے مجھ کو سبھی ناصحان شہر
پھر رفتہ رفتہ خود اسی کافر کے ہو گئے

اب کے نہ انتظار کریں چارہ گر کہ ہم
اب کے گئے تو کوئے ستم گر کے ہو گئے

روتے ہو اک جزیرۂ جاں کو فرازؔ تم
دیکھو تو کتنے شہر سمندر کے ہو گئے

Ghazal

Tujh Se Bichhad Ke Hum Bhi Muqaddar Ke Ho Gae
Phir jo bhi dar mila hai usi dar ke ho gae

Phir yun hua ki ghair ko dil se laga liya
Andar wo nafraten thin ki bahar ke ho gae

Kya log the ki jaan se badh kar aziz the
Ab dil se mahw nam bhi aksar ke ho gae

Ai yaad yar tujh se karen kya shikayaten
Ai dard-e-hijr hum bhi to patthar ke ho gae

Samjha rahe the mujh ko sabhi nasehan-e-shahr
Phir rafta rafta KHud usi kafar ke ho gae

Ab ke na intizar karen chaaragar ki hum
Ab ke gae to ku-e-sitamgar ke ho gae

Rote ho ek jazira-e-jaan ko ‘faraaz’ tum
Dekho to kitne shahr samundar ke ho gae