Tar-E-Shabnam Ki Tarah Surat-E-Khas Tut-Ti Hai

Tar-E-Shabnam Ki Tarah Surat-E-Khas Tut-Ti Hai
Aas bandhane nahi pati hai keh bas tut-ti hai

Aarzuon ka hojum aur ye dhalti hoi umr
Sans ukharti hai na zanjir-e-hwas tut-ti hai

Gard itni ke sujhai nahi deta kuch bhi
Shor itna hai ke aawaz-e-jaras tut-ti hai

Munhadam hota chala jata hai dil saal ba saal
Aisa lagta hai girah ab ke baras tut-ti hai

Bo-e-gul aye na aye magar ishaaq ke bech
Itni wehshat hai ke diwar-e-qafas tut-ti hai

Zikr asma-e-ilahi ka hai faizan ke ab
Dam ulajhta hai na tasbih-e-nafas tut-ti hai

Tar-e-shabnam ki tarah surat-e-khas tut-ti hai
Aas bandhane nahi pati hai keh bas tut-ti hai