شاعر:احمد فراز
غزل
سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے

شکوۂ ظلمت شب سے تو کہیں بہتر تھا
اپنے حصے کی کوئی شمع جلاتے جاتے

کتنا آساں تھا ترے ہجر میں مرنا جاناں
پھر بھی اک عمر لگی جان سے جاتے جاتے

جشن مقتل ہی نہ برپا ہوا ورنہ ہم بھی
پا بجولاں ہی سہی ناچتے گاتے جاتے

اس کی وہ جانے اسے پاس وفا تھا کہ نہ تھا
تم فرازؔ اپنی طرف سے تو نبھاتے جاتے
Ghazal
Silsile Tod Gaya Wo Sabhi Jate Jate
Warna itne to marasim the ki aate jate

Shikwa-e-zulmat-e-shab se to kahin behtar tha
Apne hisse ki koi shama jalate jate

Kitna aasan tha tere hijr mein marna jaanan
Phir bhi ek umr lagi jaan se jate jate

Jashn-e-maqtal hi na barpa hua warna hum bhi
Pa-ba-jaulan hi sahi nachte gate jate

Is ki wo jaane use pas-e-wafa tha ki na tha
Tum ‘faraaz’ apni taraf se to nibhate jate
Share this with your friends