Saqiya Ek Nazar Jam Se Pahle Pahle

mawraa 0 تبصرے
شاعر: احمد فراز
ساقیا ایک نظر جام سے پہلے پہلے
ہم کو جانا ہے کہیں شام سے پہلے پہلے
نو گرفتار وفا سعی رہائی ہے عبث
ہم بھی الجھے تھے بہت دام سے پہلے پہلے
خوش ہو اے دل کہ محبت تو نبھا دی تو نے
لوگ اجڑ جاتے ہیں انجام سے پہلے پہلے
اب ترے ذکر پہ ہم بات بدل دیتے ہیں
کتنی رغبت تھی ترے نام سے پہلے پہلے
سامنے عمر پڑی ہے شب تنہائی کی
وہ مجھے چھوڑ گیا شام سے پہلے پہلے
کتنا اچھا تھا کہ ہم بھی جیا کرتے تھے فرازؔ
غیر معروف سے گمنام سے پہلے پہلے
saqiya ek nazar jam se pahle pahle
hum ko jaana hai kahin sham se pahle pahle

nau giraftar-e-wafa sai-e-rihai hai abas
hum bhi uljhe the bahut dam se pahle pahle

khush ho ai dil ki mohabbat to nibha di tu ne
log ujad jate hain anjam se pahle pahle

ab tere zikr pe hum baat badal dete hain
kitni raghbat thi tere nam se pahle pahle

samne umr paDi hai shab-e-tanhai ki
wo mujhe chhod gaya sham se pahle pahle

kitna achchha tha ki hum bhi jiya karte the ‘faraaz’
ghair maruf se gumnam se pahle pahle
Load/Hide Comments

اپنا تبصرہ بھیجیں