Rukne Ka Samay Guzar Gaya Hai
غزل
رکنے کا سمے گزر گیا ہے
جانا ترا اب ٹھہر گیا ہے
رخصت کی گھڑی کھڑی ہے سر پر
دل کوئی دو نیم کر گیا ہے
ماتم کی فضا ہے شہر دل میں
مجھ میں کوئی شخص مر گیا ہے
بجھنے کو ہے پھر سے چشم نرگس
پھر خواب صبا بکھر گیا ہے
بس ایک نگاہ کی تھی اس نے
سارا چہرہ نکھر گیا ہے
Ghazal
Rukne Ka Samay Guzar Gaya Hai
Jaana tera ab thahar gaya hai
Rukhsat ki ghadi khadi hai sar par
Dil koi do-nim kar gaya hai
Matam ki faza hai shahr-e-dil mein
Mujh mein koi shakhs mar gaya hai
Bujhne ko hai phir se chashm-e-nargis
Phir khwab-e-saba bikhar gaya hai
Bas ek nigah ki thi us ne
Sara chehra nikhar gaya hai
Load/Hide Comments