Main jab wajud ky hairat kady se mil raha tha
Mujhy laga main kisi moajzy se mil raha tha
Main jagta tha keh jab log so chuky thy tamam
Charagh mujh se mere tajurby se mil raha tha
Hawas se hota hua aa gaya main ishq ki simat
Yeh Silsila bhi isi rasty se mil raha tha
Khuda se pehli mulaqat ho rhi thi meri
Main apne ap ko jab samne se mil raha tha
Ajeeb lay thi jo taseer de rahi thi mujhy
Ajeeb lams tha har zawiye se mil raha tha
Main o sky seena e shafaf ki harii lo se
Dahik raha tha so poore maze se mil raha tha
Sawab o itat o taqwa fazeelat ul alqab
Padhy huy thy kahi main nashy se mil raha tha
Tere jamal ka bujhna to lazmi tha keh tu
Begher ishq kiye aaine se mil raha tha
Zameen bhi mee aghosh e surkh mein thi Ali
Falak bhi mujh se hary zaiqy se mil raha tha