Ashk Nadan Se Kaho Baad| Khalil Ur Rehman

Ashk Nadan Se Kaho Baad Mein Pachtayenge
Aap gir kar meri aankhon se kidhar jayenge

Apne lafzoon ko takallum se gira kar jana
Apne lehje ki thakawat mein bikhar jayenge

Tum se le jayenge hum cheen ke wade apne
Hum tou qasmon ki sadaqat se bhe dar jayenge

Ik tera ghar tha meri had musafat lekin
Ab yeh socha hai keh hum had se guzar jayenge

Apen afkar jala dalenge kaghaz kaghaz
Soch mar jayegi tou hum aap bhi mar jayenge

Iss se pehle keh judayi ki khabar tum se mile
Hum ne socha hai keh hum tum se bichar jayenge

Ashk nadan se kaho baad mein pachtayenge
Aap gir kar meri aankhon se kidhar jayenge