Na Jane Sehr Yeh Kia Tou Ne Chashm

Na Jane Sehr Yeh Kia Tou Ne Chashm-E-Yar Kiya
Keh mein ne hosh ke jaame ko tar tar kiya

Fusun ajib yeh aye mausam-e-bahar kiya
Keh ḳhar zar ko hum rang lala zaar kiya

raha hai har ek gul ka jama-e-rangin
Saba ne baagh mein kya zikr-e-zulf-e-yar kiya

Na pucho pichle pahar apni yaad ka aalam
Tumhara zikr sitaron se baar baar kiya

Nasim-e-subha ne aa kar wo ragani charri
Har ek phool ne kantay ko jhuk ke pyar kiya

Mere jahan-e-mohabbat mein par gai halchal
Sukoon-e-dil ne mujhe aur be qarar kiya

Bhar aye dida-e-anjum mein ashk-e-majboori
Jigar ko thaam ke jab hum ne zikr-e-yar kiya

Tarap ke abla pa ek baar phir utthay
Yeh kisi ne tazkira-e-amad-e-bahar kiya

Guzar chuki hain jo ehsan un ki mehfil mein
Unhin qarar ke gharriyon ne be qarar kiya

Na jane sehr yeh kia tou ne chashm-e-yar kiya
keh mein ne hosh ke jaame ko tar tar kiya