شاعر: راحت اندوری

روز تاروں کی نمائش میں خلل پڑتا ہے
چاند پاگل ہے اندھیرے میں نکل پڑتا ہے

ایک دیوانہ مسافر ہے مری آنکھوں میں
وقت بے وقت ٹھہر جاتا ہے چل پڑتا ہے

اپنی تعبیر کے چکر میں مرا جاگتا خواب
روز سورج کی طرح گھر سے نکل پڑتا ہے

روز پتھر کی حمایت میں غزل لکھتے ہیں
روز شیشوں سے کوئی کام نکل پڑتا ہے

اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے

roz taron ki numaish mein khalal padta hai
chand pagal hai andhere mein nikal padta hai
 
ek diwana musafir hai meri aankhon mein
waqt-be-waqt thahar jata hai chal padta hai
 
apni tabir ke chakkar mein mera jagta khwab
roz suraj ki tarah ghar se nikal padta hai
 
roz patthar ki himayat mein ghazal likhte hain
roz shishon se koi kaam nikal padta hai
 
us ki yaad aai hai sanso zara aahista chalo
dhadkanon se bhi ibaadat mein khalal paDta hai
 
Share this with your friends