Khudaye Barhaq
Na jane kab se
Mein tere qadmon mein sanas rokay
Para howa hoon
Khudaye wahid
Tou munfarid hai
Tou lam ya lid hai
Tou mere jaisa nahi hai
Meri ghutan se waqif nahi hai
Lekin mein ghat raha hoon
Khudaye mado jazar
Mein apne galay peh seene peh hath rakhaye
Tarp raha hoon
Khudaye roz e azal yeh seena
Keh jis mein tou ne
Wo sans phonka hai
Jis ne koh o jabal ko roi mein dhalna hai
Tera ameen hai
Teri amanat ko apne andar sambhalta hai
Khudaye bartar
Raheem hai tou
Kareem hai tou
Azeem hai tou
To phir ijazat mujhe bhi de de
Mein sans le lon
نظم
خدائے برحق
نجانے کب سے
میں تیرے قدموں میں سانس روکے
پڑا ہوا ہوں
خدائے واحد
تو منفرد ہے
تو لم یلد ہے
تو میرے جیسا نہیں ہے
میری گھٹن سے واقف نہیں ہے
لیکن میں گھٹ رہا ہوں
خدائے مد و جزر
میں اپنے گلے پہ سینے پہ ہاتھ رکھے
تڑپ رہا ہوں
خدائے روزِ ازل یہ سینہ
کہ جس میں تو نے
وہ سانس پھونکا ہے
جس نے کوہ و جبل کو روئی میں ڈھالنا ہے
تیرا امیں ہے
تیری امانت کو اپنے اندر سنبھالتا ہے
خدائے برتر
رحیم ہے تو
کریم ہے تو
عظیم ہے تو
تو پھر اجازت مجھے بھی دے دے
میں سانس لے لوں
