Mere Khuda Mere Lafz-O-Bayan Mein Zahir Ho

Mere Khuda Mere Lafz-O-Bayan Mein Zahir Ho
Esi shikasta-o-basta zuban mein zahir ho

Zamana dekhe mere harf-e-baryab ke rang
Gul-e-murad hunar dasht-e-jaan mein zahir ho

Mein sur-kharo nazar aaon kalam ho keh sakoot
Teri ataa mere naam-o-nishan mein zahir ho

Maza tou jab se keh ahl-e-yaqen ka sar-e-kamal
Malamat-e-sukhan gumrahaan mein zahir ho

Guzishtgaan-e-mohabbat ka khawab gum gashta
Ajab nahi shab aaindagaan mein zahir ho

Pas hijab hai ek shahsawar wadi-e-noor
Kise khabar isi ahad-e-zayan mein zahir ho

Mere khuda mere lafz-o-bayan mein zahir ho
Esi shikasta-o-basta zuban mein zahir ho