غزل

کوئی ملتا نہیں یہ بوجھ اٹھانے کے لیے

شام بے چین ہے سورج کو گرانے کے لیے

اپنے ہم زاد درختوں میں کھڑا سوچتا ہوں

میں تو آیا تھا انہیں آگ لگانے کے لیے

میں نے تو جسم کی دیوار ہی ڈھائی ہے فقط

قبر تک کھودتے ہیں لوگ خزانے کے لیے

دو پلک بیچ کبھی راہ نہ پائی ورنہ

میں نے کوشش تو بہت کی نظر آنے کے لیے

لفظ تو لفظ یہاں دھوپ نکل آتی ہے

تیری آواز کی بارش میں نہانے کے لیے

کس طرح ترک تعلق کا میں سوچوں تابشؔ

ہاتھ کو کاٹنا پڑتا ہے چھڑانے کے لیے

Ghazal
Koi Milta Nahin Ye Bojh Uthane Ke Liye
Sham bechain hai suraj ko girane ke liye

Apne ham-zad darakhton mein khada sochta hun
Main to aaya tha inhen aag lagane ke liye

Main ne to jism ki diwar hi dhai hai faqat
Qabr tak khodte hain log khazane ke liye

Do palak bich kabhi rah na pai warna
Main ne koshish to bahut ki nazar aane ke liye

Lafz to lafz yahan dhup nikal aati hai
Teri aawaz ki barish mein nahane ke liye

Kis tarah tark-e-talluq ka main sochun ‘tabish’
Hath ko katna padta hai chhudane ke liye
Share this with your friends