Kisi Ka Dard Ho Dil Beqaraar Apna Hai

mawraa 0 تبصرے
شاعر:ناصر کاظمی
غزل
کسی کا درد ہو دل بے قرار اپنا ہے
ہوا کہیں کی ہو سینہ فگار اپنا ہے
 
ہو کوئی فصل مگر زخم کھل ہی جاتے ہیں
سدا بہار دل داغدار اپنا ہے
 
بلا سے ہم نہ پئیں مے کدہ تو گرم ہوا
بقدر تشنگی رنج خمار اپنا ہے
 
جو شاد پھرتے تھے کل آج چھپ کے روتے ہیں
ہزار شکر غم پائیدار اپنا ہے
 
اسی لیے یہاں کچھ لوگ ہم سے جلتے ہیں
کہ جی جلانے میں کیوں اختیار اپنا ہے
 
نہ تنگ کر دل محزوں کو اے غم دنیا
خدائی بھر میں یہی غم گسار اپنا ہے
 
کہیں ملا تو کسی دن منا ہی لیں گے اسے
وہ زود رنج سہی پھر بھی یار اپنا ہے
 
وہ کوئی اپنے سوا ہو تو اس کا شکوہ کروں
جدائی اپنی ہے اور انتظار اپنا ہے
 
نہ ڈھونڈھ ناصرؔ آشفتہ حال کو گھر میں
وہ بوئے گل کی طرح بے قرار اپنا ہے
Ghazal
Kisi Ka Dard Ho Dil Beqaraar Apna Hai
Hawa Kahin Ki Ho Sina Figar Apna Hai

Ho Koi Fasl Magar Zakhm Khul Hi Jate Hain
Sada-Bahar Dil-E-Dagh-Dar Apna Hai

Bala Se Hum Na Piyen Mai-Kada To Garm Hua
Ba-Qadr-E-Tishnagi Ranj-E-Khumar Apna Hai

Jo Shad Phirte The Kal Aaj Chhup Ke Rote Hain
Hazar Shukr Gham-E-Paedar Apna Hai

Isi Liye Yahan Kuch Log Hum Se Jalte Hain
Ki Ji Jalane Mein Kyun Ikhtiyar Apna Hai

Na Tang Kar Dil-E-Mahzun Ko Ai Gham-E-Duniya
Khudai-Bhar Mein Yahi Gham-Gusar Apna Hai

Kahin Mila To Kisi Din Mana Hi Lenge Use
Wo Zud-Ranj Sahi Phir Bhi Yar Apna Hai

Wo Koi Apne Siwa Ho To Us Ka Shikwa Karun
Judai Apni Hai Aur Intezaar Apna Hai

Na Dhundh ‘Nasir’-E-Ashufta-Haal Ko Ghar Mein
Wo Bu-E-Gul Ki Tarah Be-Qarar Apna Hai
Load/Hide Comments

اپنا تبصرہ بھیجیں