Kisi Khush Nigaah Si Aankh Ne
Ye Kamaal Mujh Pe Karam Kia

Meri Rooh-E-Jaa Pe Raqam Kia
Wo Jo Aik Chaand Sa Harf Tha ,
Wo Jo Aik Shaam Sa Naam Tha
Wo Jo Aik Phool Si Baat Phirti Thi Darbadar
Usey Gulistaa Ka Pataa Dia

Meraa Dil Ke Shahar-E-Malaal Tha , Usay Roshani Mai Basaa Dia
Meri Aankh Or Mere Khuwab Ko Kisi Aik Pal Me Baham Kia

Mere Aaaino Pe Jo Gard Thi Maah-O-Saal Ki
Wo Utar Gai
Wo Jo Dhund Thi Mere Chaar Soo , Wo Bikhar Gai

Sabhi Roop Aks Jamaal Ke
Sabhi Khuwab Shaam-O-Wisaal Ke

Jo Ghubaar Waqt Mai Sar Basar They Atai Huai
Wo Chamak Uthey
Wo Jo Phool Raah Ki Dhool They
Wo Mehak Uthey

Liie Saath Rang Bahaar Ke
Chalaa Mai Jo Sang Bahaar Ke

To Sajaa Dia Sabhi Raastey
Kisi Dasht Shaubada Saaz Ne
Mere Naam Per Mere Waasatey

Meri Bey Ghari Ko Panah Di
Meri Justajoo Ko Nishaa Dia
Jo Yaqeen Se Bhi Haseen He
Mujhe Aik Aisaa Gumaa Dia

Wo Jo Raiza Raiza Wajood Tha
Usey Aik Nazar Mai Baham Kia

Kisi Khush Nigaah Si Aankh Ne
Ye Kamaal Mujh Pe Karam Kia