Kisi Ki Aik Dua Rad Ho Do Qubool Kare
Yeh ikhtiyar khuda ko hai jo qubool kare

Kuch aur hota to woh bhi utha ke le aatay
Hamare pass aziyat hai so qubool kare

Yahi thi asal mein awqaat mere dushman ki
Keh mere chhoray hoye ishq ko qubool kare

Ke jaise kookh se paida hoye ko karte hain
Yeh zindagi mujhe ik bar to qubool kare

Hamein to raas nahi aaya wasal ka malboos
Jisay labada yeh khush aaye woh qubool kare

Diya hai tark talluq ka mashwara dil ko
So ab pasand usay ho nah ho qubool kare

Kisi ki aik dua rad ho do qubool kare
Yeh ikhtiyar khuda ko hai jo qubool kare
غزل
کسی کی ایک دعا رد ہو، دو قبول کرے
یہ اختیار خدا کو ہے جو قبول کرے

کچھ اور ہوتا تو وہ بھی اُٹھا کے لے آتے
ہمارے پاس اذیت ہے سو قبول کرے

یہی تھی اصل میں اوقات میرے دشمن کی
کہ میرے چھوڑے ہوئے عشق کو قبول کرے

کہ جیسے کوکھ سے پیدا ہوئے کو کرتے ہیں
یہ زندگی مجھے اک بار تو قبول کرے

ہمیں تو راس نہیں آیا وصل کا ملبوس
جسے لبادہ یہ خوش آئے وہ قبول کرے

دیا ہے ترک تعلق کا مشورہ دل کو
سو اب پسند اسے ہو نہ ہو قبول کرے

کسی کی ایک دعا رد ہو، دو قبول کرے
یہ اختیار خدا کو ہے جو قبول کرے
Share this with your friends