شاعر: علامہ اقبال
خرد کے پاس خبر کے سوا کچھ اور نہیں
ترا علاج نظر کے سوا کچھ اور نہیں
ہر اک مقام سے آگے مقام ہے تیرا
حیات ذوق سفر کے سوا کچھ اور نہیں
گراں بہا ہے تو حفظ خودی سے ہے ورنہ
گہر میں آب گہر کے سوا کچھ اور نہیں
رگوں میں گردش خوں ہے اگر تو کیا حاصل
حیات سوز جگر کے سوا کچھ اور نہیں
عروس لالہ مناسب نہیں ہے مجھ سے حجاب
کہ میں نسیم سحر کے سوا کچھ اور نہیں
جسے کساد سمجھتے ہیں تاجران فرنگ
وہ شے متاع ہنر کے سوا کچھ اور نہیں
بڑا کریم ہے اقبال بے نوا لیکن
عطائے شعلہ شرر کے سوا کچھ اور نہیں
Khirad Ke Paas Khabar Ky Siwa Kuch Aur Nahi
Tera Ilaj Nazar Ky Siwa Kuch Aur Nahi

Har Maqam Se Agy Maqam Hai Tera
Hayat Zok.e.Safar Ky Siwa Kuch Aur Nahi

Giran Baha Hai To Hif Khudi Se Hai Warna
Gohr Mein Ab.e.Gohr Ky Siwa Kuch Aur Nahi

Ragon Mein Gardish.e.Khoon Hai Agar To Kya Hasil
Hayat Soz Jigar Ky Siwa Kuch Aur Nahi

Aroos.o.Lala Munasib Nahi Hai Mujh Se Hijab
Keh Main Naseem.e.Sahir Ky Siwa Kuch Aur Nahi

Jise Qasad Smjhty Hain Tajran.e.Firang
Who Shay Mata.e.Hunar Ky Siwa Kuch Aur Nahi

Bara Kareem Hai Iqbal Be Nawa Laikin
Ata.e.Shola Sharar Ky Siwa kuch Aur Nai
Share this with your friends