Khawab Khas Khana-O-Barfab Ke Piche Piche

Khawab Khas Khana-O-Barfab Ke Piche Piche
Garmi-e- shahr muqaddar ke satae howay log

Kaisi yakh basta zaminon ki taraf aanikle
Mauj-e-khon barf hoi jati hai sansen bhi hain barf

Wahshaten jin ka muqaddar theen wo aankheen bhi hain barf
Yad-e-yaran dil aawez ka manzar bhi hai barf

Aik ek naam har aawaz har ek chehra barf
Munjamad khawab ki taksaal ka har sika barf

Aur ab sochte hain sham-o-sahar sochte hain
Khawab-e-khas khana-o-barfab se wo aag bhali

Jis ke sholon mein bhi qirtas-o-qalam zinda hain
Jis mein har ahd ke har nasl ke gham zinda hain

Khaak ho kar bhi yeh lagta tha keh hum zinda hain

Khawab khas khana-o-barfab ke piche piche
Garmi-e- shahr muqaddar ke satae howay log