شاعر: فیض احمد فیض

کب یاد میں تیرا ساتھ نہیں کب ہاتھ میں تیرا ہاتھ نہیں
صد شکر کہ اپنی راتوں میں اب ہجر کی کوئی رات نہیں

مشکل ہیں اگر حالات وہاں دل بیچ آئیں جاں دے آئیں
دل والو کوچۂ جاناں میں کیا ایسے بھی حالات نہیں

جس دھج سے کوئی مقتل میں گیا وہ شان سلامت رہتی ہے
یہ جان تو آنی جانی ہے اس جاں کی تو کوئی بات نہیں

میدان وفا دربار نہیں یاں نام و نسب کی پوچھ کہاں
عاشق تو کسی کا نام نہیں کچھ عشق کسی کی ذات نہیں

گر بازی عشق کی بازی ہے جو چاہو لگا دو ڈر کیسا
گر جیت گئے تو کیا کہنا ہارے بھی تو بازی مات نہیں

kab yaad mein tera sath nahin kab hat mein tera hat nahin

sad-shukr ki apni raaton mein ab hijr ki koi raat nahin

mushkil hain agar haalat wahan dil bech aaen jaan de aaen

dil walo kucha-e-jaanan mein kya aise bhi haalat nahin

jis dhaj se koi maqtal mein gaya wo shan salamat rahti hai

ye jaan to aani jaani hai is jaan ki to koi baat nahin

maidan-e-wafa darbar nahin yan nam-o-nasab ki puchh kahan

aashiq to kisi ka nam nahin kuchh ishq kisi ki zat nahin

gar bazi ishq ki bazi hai jo chaho laga do dar kaisa

gar jit gae to kya kahna haare bhi to bazi mat nahin