شاعر:انورشعور
غزل
ہو گئے دن جنہیں بھلائے ہوئے
آج کل ہیں وہ یاد آئے ہوئے

میں نے راتیں بہت گزاری ہیں
صرف دل کا دیا جلائے ہوئے

ایک اسی شخص کا نہیں مذکور
ہم زمانے کے ہیں ستائے ہوئے

سونے آتے ہیں لوگ بستی میں
سارے دن کے تھکے تھکائے ہوئے

مسکرائے بغیر بھی وہ ہونٹ
نظر آتے ہیں مسکرائے ہوئے

گو فلک پہ نہیں پلک پہ سہی
دو ستارے ہیں جگمگائے ہوئے

اے شعورؔ اور کوئی بات کرو
ہیں یہ قصے سنے سنائے ہوئے
Ghazal
Ho Gae Din Jinhen Bhulae Hue
Aaj kal hain wo yaad aae hue

Main ne raaten bahut guzari hain
Sirf dil ka diya jalae hue

Ek usi shakhs ka nahin mazkur
Hum zamane ke hain satae hue

Sone aate hain log basti mein
Sare din ke thake-thakae hue

Muskurae baghair bhi wo hont
Nazar aate hain muskurae hue

Go falak pe nahin palak pe sahi
Do sitare hain jagmagae hue

Ai ‘shuur’ aur koi baat karo
Hain ye qisse sune-sunae hue
Share this with your friends