Zahir Ki Aankh Se Nah Tamasha Kare Koi
Ho dekhna to deeda dil wa karay koi

Nasoor ko howa lab e goya payam e mout
Ab kia kisi ke ishq ka dawa kare koi

Ho deed ka jo shoq to aankhon ko band kar
Hai dekhna yahi keh nah dekha kare koi

Mein intehaye ishq hoon to intehaye husan
Dekhay mujhe keh tujh ko tamasha kare koi

Uzar Afreen jurm e mohabbat hai husan dost
Mashar mein uzar taza na paida kare koi

Chapti nahi hai yeh nigha e shoq hum nasheen
Phir aur kis tarah unhein dekha kare koi

Arr baithay kia samjh ke bhala tour par kaleem
Taqat ho deed ki tu taqaza kare koi

Nizaray ko yeh junbish mazgaan bhi bar hai
Nargas ki aankh se tujhe dekha kare koi

Khil jayen kia mazay hain tamannaye shoq mein
Dou char din jo meri tamanna kare koi

Zahir ki aankh se nah tamasha kare koi
Ho dekhna to deeda dil wa karay koi

غزل
ظاہر کی آنکھ سے نہ تماشا کرے کوئی
ہو دیکھنا تو دیدہ دل وا کرے کوئی

نصُور کو ہُوا لبِ گویا پیامِ موت
اب کیا کسی کے عشق کا دعویٰ کرے کوئی

ہو دید کا جو شوق تو آنکھوں کو بند کر
ہے دیکھنا یہی کہ نہ دیکھا کرے کوئی

میں انتہائے عشق ہوں تو انتہائے حسن
دیکھے مجھے کہ تجھ کو تماشا کرے کوئی

عذر آفرینِ جرمِ محبّت ہے حُسنِ دوست
محشر میں عذرِ تازہ نہ پیدا کرے کوئی

چھپتی نہیں ہے یہ نگہِ شوق ہم نشین
پھر اور کس طرح اُنہیں دیکھا کرے کوئی

اَڑبیٹھے کیا سمجھ کے بھلا طور پر کلیم
طاقت ہو دید کی تو تقاضا کرے کوئی

نظارے کو یہ جنبش مژگاں بھی بار ہے
نرگس کی آنکھ سے تجھے دیکھا کرے کوئی

کِھل جائیں کیا مزے ہیں تمنائے شوق میں
دو چار دن جو میری تمنا کرے کوئی

ظاہر کی آنکھ سے نہ تماشا کرے کوئی
ہو دیکھنا تو دیدہ دل وا کرے کوئی

Share this with your friends