Pa Bah Gul Sab Hai Rehai Ki Kare Tadbeer Kon

Pa Bah Gul Sab Hai Rehai Ki Kare Tadbeer Kon
Dast basta shahr mein khule meri zanjeer kon

Mera sar hazir hai lekin mera munsaf dekh le
Kar raha hai meri fard juram ko tehreer kon

Meri chadar to chhani thi sham ki tanhai mein
Be ridai ko meri phir de gaya tashheer kon

Neend jab khwabon se pyari ho to aise ehd mein
Khwab dekhe kon aur khwabon ki de tabeer kon

Rait abhi pichhle makano ki nah wapas aai thi
Phir lab sahil gharonda kar gaya tameer kon

Dushmanon ke saath mere dost bhi aazad hain
Dekhna hai khainchta hai mujh par pehla teer kon

Pa bah gul sab hai rehai ki kare tadbeer kon
Dast basta shahr mein khule meri zanjeer kon