Be Sakooni

Dostaan en dino mein badi besakooni
mein hoon
Be Sakooni ka mat poch kia hai? Bala hai
Besakooni ka chehra kabhi jagti ankhon mein dekhna
Be sakooni ka chehra kabhi aise afraad mein dekhna jin ko chup lag gai
Jo sokoon ki adam dastiyaabi ke dukh mein nashai ban gaye
Roti se rooth kar ehtjajan jo beemar rehne lagay
Aur apni hifazat se zimma bari ho gaye
Besakooni ka chehra kabhi aise afraad mein dekhna
Jin ke azhaan se kehkahon aur cheekhon ki tafreeq ka alam zyada raha
Ya kabhi aise afraad mein dekh lena ke jo apni bad hali par ahh! Bhartay hoye muskura kar kahen
Bhaa lagay sain besakooni wanja chora ay
Ya mujhe dekh lena keh main be sakooni ki tasweer hoon
Be sakooni mein be intihaa karb hai
Ye musalsal aziat mein rakh rakh ke insaan khaa jati hai
Be sakooni mein be khaabi un saare khaabon ko le aati hai
Jo sakoon ke dino mein sabhi dekhty hain
Aur wo khaab insan ko kitni takleef detay hain mat poch
Bs duaa kar khuda dushmano ko bhi es be sakooni se mehfooz rakhay
Be sakooni sakoon ki adam dastiyabi ki tareef hai
Mukhtasar yeh keh apna sakoon jab kisi aur ke hath mein ho tou
Es besakooni se badh kar koi dukh nahi
Jab kisi ka sakoon ek aurat ki soorat mein ho