Usi Wadi Mein Tum Ab Jadah| Ehsan Danish Ghazal

Usi Wadi Mein Tum Ab Jadah Pema Ho Jahan Mein Tha
Zamane ki bhari mehfil mein tanha ho jahan mein tha

Meri kotah beni ab tumhain fitrat ne bakhshi hai
Wahan ab tum bhi mayoos tamanna ho jahan mein tha

Mujhe taane diya karte thay lekin khair se tum bhi
Usi manzar mein masroof-e-tamasha ho jahan mein tha

Yeh zabat gham ki bakhshish hai muqaddar ke karishme hain
Tumhari bhi wohi le day ke duniya ho jahaan mein tha

Usi wadi mein tum ab jadah pema ho jahan mein tha
Zamane ki bhari mehfil mein tanha ho jahan mein tha