Ab Dekhai Nahi Deta Kahin Jata Howa Dil

Ab Dekhai Nahi Deta Kahin Jata Howa Dil
Haye wo aik ke bad aik pe ata howa dil

Hisab-e-mahmol idher shaam hoi aur udher
Soye mehkhana chala nachta gaata howa dil

Kiya karen baith ke ham gosha-e-tanhai mein
Tang karta hai bohot shor machata howa dil

Kabhi shadaan kabhi gumgen nahi rehne deta
Yeh rolata howa dil aur hansta howa dil

Koi jane mein nahi tou koi kisi veerane mein
Phir raha hoga kahin thokaren khata howa dil

Sahib-e-zok ke seene mein dehkta hai sho’our
Sher parta howa afsane sunta howa dil

Ab dekhai nahi deta kahin jata howa dil
Haye wo aik ke bad aik pe ata howa dil