Hum To Jaise Wahan Ke Thay Hi Nahi
Be aaman thay aaman ke thay hi nahi

Hum keh hain teri dastan yaksar
Hum teri dastan ke thay hi nahi

Unn ko aandhi mein hi bikharna tha
Baal-o-par ashyan ke thay hi nahi

Ab hamara makan kis ka hai
Hum tu apne makaan ke thay hi nahi

Ho teri khaak aastan peh salaam
Hum tere aastan ke thay hi nahi

Hum nay ranjish mein yeh nahi socha
Kuch sukhan tu zubaan ke thay hi nahi

Dil nay dala tha darmiyan jin ko
Log woh darmiyaan ke thay hi nahi

Uss gali nay yeh sun ke sabar kiya
Janay walay yahan ke thay hi nahi

Hum to jaise wahan ke thay hi nahi
Be aaman thay aaman ke thay hi nahi

غزل
ہم تو جیسے وہاں کے تھے ہی نہیں
بے اماں تھے اماں کے تھےہی نہیں

ہم کہ ہیں تیری داستاں یکسر
ہم تری داستاں کے تھے ہی نہیں

اُن کو آندھی میں ہی بکھرنا تھا
بال و پر آشیاں کے تھے ہی نہیں

اب ہمارا مکان کس کا ہے
ہم تو اپنے مکاں کے تھے ہی نہیں

ہو تری خاک آستاں پہ سلام
ہم ترے آستاں کے تھے ہی نہیں

ہم نے رنجش میں یہ نہیں سوچا
کچھ سخن تو زباں کےتھے ہی نہیں

دل نے ڈالا تھا درمیاں جن کو
لوگ وہ درمیاں کے تھے ہی نہیں

اُس گلی نے یہ سن کے صبر کیا
جانے والے یہاں کے تھے ہی نہیں

Share this with your friends