Un Se Tanhai Mein Baat Hoti Rahi

mawraa 0 تبصرے
شاعر:انور شعور
غزل
ان سے تنہائی میں بات ہوتی رہی
غائبانہ ملاقات ہوتی رہی
 
ہم بلاتے وہ تشریف لاتے رہے
خواب میں یہ کرامات ہوتی رہی
 
کاسۂ چشم لبریز ہوتی رہی
اس دریچے سے خیرات ہوتی رہی
 
دل بھی زور آزمائی سے ہارا نہیں
گرچہ ہر مرتبہ مات ہوتی رہی
 
سر بچائے رہا صبر کا سائباں
آسماں سے تو برسات ہوتی رہی
 
گو محبت سے ہم جی چراتے رہے
زندگی بھر یہ بد ذات ہوتی رہی
 
شہر بھر میں پھرایا گیا قیس کو
کوچے کوچے مدارات ہوتی رہی
 
جاگتے اور سوتے رہے ہم شعورؔ
دن نکلتا رہا رات ہوتی رہی
Ghazal
Un Se Tanhai Mein Baat Hoti Rahi
Ghaebana mulaqat hoti rahi

Hum bulate wo tashrif late rahe
Khwab mein ye karamat hoti rahi

Kasa-e-chashm labrez hoti rahi
Us dariche se khairaat hoti rahi

Dil bhi zor-azmai se haara nahin
Garche har martaba mat hoti rahi

Sar bachae raha sabr ka saeban
Aasman se to barsat hoti rahi

Go mohabbat se hum ji churaate rahe
Zindagi bhar ye bad-zat hoti rahi

Shahr bhar mein phiraya gaya qais ko
Kuche kuche mudaraat hoti rahi

Jagte aur sote rahe hum ‘shuur’
Din nikalta raha raat hoti rahi
Load/Hide Comments

اپنا تبصرہ بھیجیں