Udaasi Ranj Aziyat Khasaray Aajayen
Hai jin se gehra talluq woh saray aajayen

Tum apne ashk girao meri hatheli par
Mubaada paon ke neechay yeh taray aajeyen
Jo neem jan thay be jan ho gaye so unhein
Zara sa mauj uchhalay kinaray aajayen
Kisi tarah tu yeh sukrat-e-hijr tootay bhi
Utha ke rahal wazeefay siparay aajeyen
Lagay bandhy hoye misray badal sakoon aa kaash
Khudaya zehen mein kuch istaary aajayen
Mein ishq kar ke bhi zinda hoon dekhnay ke liye
Yeh shashdaran yeh herat ke maray aajayen
Pana chahiye di jan ki aman so aap
Bila jhijhak yahan dil mein hamare aajayen
Mein aik paid hoon kehne ki dair hai komal
Sabhi ke hathon mein kulharay aaray aajayen
Udaasi ranj aziyat khasaray aajayen
Hai jin se gehra talluq woh saray aajayen
غزل
اداسی رنج اذیت خسارے آجائیں
ہے جن سے گہرا تعلق وہ سارے آجائیں
تم اپنے اشک گراؤ مری ہتھیلی پر
مبادا پاؤں کے نیچے یہ تارے آجائیں
جو نیم جان تھے بے جان ہوگئے سو اُنہیں
ذرا سا موج اچھالے کنارے آجائیں
کسی طرح تو یہ سکراتِ ہجر ٹوٹے بھی
اُٹھا کے رحل، وظیفے سپارے آجائیں
لگے بندھے ہوئے مصرعے بدل سکوں اے کاش
خدایا ذہن میں کچھ استعارے آجائیں
میں عشق کر کے بھی زندہ ہوں ، دیکھنے کے لیے
یہ ششدران ، یہ حیرت کے مارے آجائیں
پناہ چاہیئے دی جان کی امان سو آپ
بلا جھجھک یہاں دل میں ہمارے آجائیں
میں ایک پیڑ ہوں کہنے کی دیر ہے کومل
سبھی کے ہاتھوں میں کلہاڑے آرے آجائیں
اداسی رنج اذیت خسارے آ جائیں
ہے جن سے گہرا تعلق وہ سارے آجائیں
Share this with your friends