Meri Bhanwon Ke Aain Darmiyan Ban Gaya

Meri Bhanwon Ke Aain Darmiyan Ban Gaya
Jaben peh intezaar ka nishan ban gaya

Suna howa tha hijr mustaqil tanao hai
Wohi howa mera badan Kamaan ban gaya

Moheeb chup mein aahton ka wahma howa
Mein sar se paon tak tamam kaan ban gaya

Hawa se roshni se rabta nahi raha
Jidhar theen khirkiyan idhar makan ban gaya

Shuru din se ghar mein sunn raha tha iss liye
Sukoot meri madri zuban ban gaya

Aur aik din khainchi hoi lakeer mit gai
Guman yaqeen bana yaqeen gumaan ban gaya

Kai khafeef gham mile malaal ban gaye
Zara zara si katarnon se thaan ban gaya

Mere baron ne adatan chuna tha aik dasht
Woh bas gaya Rahim yar khan ban gaya

Suna howa tha hijr mustaqil tanao hai
Wohi howa mera badan Kamaan ban gaya

Meri bhanwon ke aain darmiyan ban gaya
Jaben peh intezaar ka nishan ban gaya