شاعر:اعتبار ساؔجد
غزل
تمہیں خیال ذات ہے شعور ذات ہی نہیں
خطا معاف یہ تمہارے بس کی بات ہی نہیں

غزل فضا بھی ڈھونڈتی ہے اپنے خاص رنگ کی
ہمارا مسئلہ فقط قلم دوات ہی نہیں

ہماری ساعتوں کے حصہ دار اور لوگ ہیں
ہمارے سامنے فقط ہماری ذات ہی نہیں

ورق ورق پہ ڈائری میں آنسوؤں کا نم بھی ہے
یہ صرف بارشوں سے بھیگے کاغذات ہی نہیں

کہانیوں کا روپ دے کے ہم جنہیں سنا سکیں
ہماری زندگی میں ایسے واقعات ہی نہیں

کسی کا نام آ گیا تھا یوں ہی درمیان میں
اب اس کا ذکر کیا کریں جب ایسی بات ہی نہیں
Ghazal
Tumhein Khayal-E-Zat Hai Shoor-E-Zat Hi Nahi
khata muaf ye tumhaare bas ki baat hi nahi

ghazal faza bhi dhundti hai apne khas rang ki
hamara masala faqat qalam dawat hi nahi

hamari saaton ke hissa-dar aur log hain
hamare samne faqat hamari zat hi nahi

waraq waraq pe diary mein aansuon ka nam bhi hai
ye sirf barishon se bhige kaghzat hi nahi

kahaniyon ka rup de ke hum jinhen suna saken
hamari zindagi mein aise waqiat hi nahi

kisi ka nam aa gaya tha yunhi darmiyan mein
ab is ka zikr kya karen jab aisi baat hi nahi
Share this with your friends