Sab Kar Lena Lamhay Zaya Mat Karna

Ghazal

Sab Kar Lena Lamhe Zaya Mat Karna
Galat jagah per jazbay zaya mat karna

Jin ki aankhain peyari , baatin jhooti hun
Un ki khatir sapnay zaya mat karna

Saada hun aur brands passand nahi mujhko
Mujh per apne paisy zaya mat karna

Jin logo ko khamoshi ki qadar na ho
Un logo per lahjay zaya mat karna

Ishq tou niyat ki suchi dekhta hai
Dil na jhokay to sajday zaya mat karna

Rozi roti des main bhi mil sakti hai
Door bhej ke rishtay zaya mat karna

Sab kar lena lamhe zaya mat karna
Galat jagah per jazbay zaya mat karna