Tumhare Hijr Ki Deewar Pehle Aan Bani

Tumhare Hijr Ki Deewar Pehle Aan Bani
Phir uss ke baad udaasi bhi khandan bani

Daleel jis jagah be kar jane wali ho
Wahan peh sunti hoon sab ki mein be zubaan bani

Safar mein dhool aur aankhon mein dhund thi num ki
Jo rasta dhoondnay walon ka imtihaan bani

Mujhe mitane mein umaren lagai theen sab ne
Mein kitni mehnaton ke baad be nishaan bani

Kisi ne khainch ke bahir nahi nikala mujhe
Jab apne aap se lipti rahi thakaan bani

Yeh log parhtay thay lekin samjh nah pate thay
Kuch aise uljhay hawalon se dastan bani

Hamare purkhon ne miti mein khawab boye thay
Wohi to aakhri peerhi thi jo kisan bani

Tumhare hijr ki deewar pehle aan bani
Phir uss ke baad udaasi bhi khandan bani