شاعر: انور مسعود
 تم بھول گئے شاید
وہ جو دودھ شہد کی کھیر تھی
وہ جو نرم مثل حریر تھی
وہ جو آملے کا اچار تھا
تمہیں یاد ہو کہ نہ یاد ہو
جو ہرن کے سیخ کباب تھے
وہ جواب اپنا جواب تھے
وہ جو کوئٹہ کا انار تھا
وہ جو ہم میں تم میں قرار تھا
تمہیں یاد ہو کہ نہ یاد ہو
وہ جو سیب زینت باغ تھے
وہ جو شاخ شاخ چراغ تھے
وہ جو آلوؤں کو بخار تھا
وہ جو ہم میں تم میں قرار تھا
تمہیں یاد ہو کہ نہ یاد ہو
وہ رقیب کے جو بغیر تھی
وہ جو چاند رات کی سیر تھی
وہ جو عہد فصل بہار تھا
وہ جو ہم میں تم میں قرار تھا
مجھے سب ہے یاد ذرا ذرا
تمہیں یاد ہو کہ نہ یاد ہو
Tum Bhul gay shayad

wo jo dudh shahd ki khir thi
wo jo narm misl-e-harir thi

wo jo aamle ka achaar tha
tumhein yaad ho ki na yaad ho

jo hiran ke sikh-kabab the
wo jawab apna jawab the

wo jo Quetta ka anar tha
wo jo hum mein tum mein qarar tha

tumhein yaad ho ki na yaad ho
wo jo seb zinat-e-bagh the

wo jo shakh shakh charagh the
wo jo aaluon ko bukhar tha

wo jo hum mein tum mein qarar tha
tumhein yaad ho ki na yaad ho

wo raqib ke jo baghair thi
wo jo chand raat ki sair thi

wo jo ahd-e-fasl-e-bahaar tha
wo jo hum mein tum mein qarar tha

mujhe sab hai yaad zara zara
tumhein yaad ho ki na yaad ho
Share this with your friends