Tou Jitna Ho Sake Jaldi Chala Ja
Nahi ji chahta phir bhi chala ja

Chala ja yar yeh behre hain sare
Koi suntan nahi teri chala ja

Tou tanha hai aur es tanha se milne
Koi jata nahi tu hi chala ja

Muhabbat sach hai aur es sach ki pooja
Yahan bilkul nahi hoti chala ja

Qayamat aane wali hai yahaan par
Qayamat rok le yani chala ja

Kisi darya kisi sehra ki janib
Jidhar bhi ho teri marzi chala ja

Yahan Aankhon ko demak lag gai hai
Utha khawabon ki yeh ghattri chala ja

Bahut mashoor hai tou sarkashi mein
Yeh mashoori nahi achi chala ja

payamber tak nahi chore jinhon ne
Wo dekhenge teri hasti chala ja

Koi shair nahi rehta yahan par
Chala ja aao mere bhai chala ja

Khuda ko chahye khalis zabeha
Tou day ke sar ki qurbani chala ja

Kisi se kuch bhi kehne ki Ali ab
Zaroorat hi nahi koi chala ja

Tou jitna ho sake jaldi chala ja
Nahi ji chahta phir bhi chala ja
غزل
تو جتنا ہو سکے جلدی چلا جا
نہیں جی چاہتا پھر بھی چلا جا

چلا جا یار یہ بہرے ہیں سارے
کوئی سنتا نہیں تیری چلا جا

تو تنہا ہے اور اس تنہا سے ملنے
کوئی جاتا نہیں تو ہی چلا جا

محبت سچ ہے اوراس سچ کی پوجا
یہاں بلکل نہیں ہوتی چلا جا

قیامت آنے والی ہے یہاں پر
قیامت روک لے یعنی چلا جا

کسی دریا کسی صحرا کی جانب
جدھر بھی ہو تری مرضی چلا جا

یہاں آنکھوں کو دیمک لگ گئی ہے
اٹھا خوابوں کی یہ گٹھڑی چلا جا

بہت مشہور ہے توسرکشی میں
یہ مشہوری نہیں اچھی چلا جا

پیمبر تک نہیں چھوڑے جنہوں نے
وہ دیکھیں گے تری ہستی چلا جا

کوئی شاعر نہیں رہتا یہاں پر
چلا جا او مرے بھائی چلا جا

خدا کو چاہئے خالص ذبیحہ
تو دے کے سر کی قربانی چلا جا

کسی سے کچھ بھی کہنے کی علؔی اب
ضرورت ہی نہیں کوئی چلا جا

تو جتنا ہو سکے جلدی چلا جا
نہیں جی چاہتا پھر بھی چلا جا
Share this with your friends